التخطي إلى المحتوى
كتب: آخر تحديث:

الرئيس عبد الفتاح السيسي: الزيادة السكانية والإرهاب أكبر خطرين يواجهان مصر

الرئيس عبد الفتاح السيسي: الزيادة السكانية والإرهاب أكبر خطرين يواجهان مصر
الرئيس عبد الفتاح السيسي: الزيادة السكانية والإرهاب أكبر خطرين يواجهان مصر

قال الرئيس عبدالفتاح السيسي إنه لم يتحدث طوال عامين عن موضوع الزيادة السكانية فهي تحدي التحدي، وأكبر خطرين يواجهان مصر في تاريخها هو الارهاب والزيادة السكانية، ووضعنا الزيادة السكانية في تحد مع الإرهاب لأنها تقلل فرص مصر في التقدم.

وأضاف “الرئيس”، خلال مؤتمر الشباب الرابع المنعقد الآن بالاسكندرية: “كتير منا بيشوف مداخلات يقولوا أنا عندي أربع أولاد مش عارف أأكلهم.. انتي وأنت السيد المصري الفاضل والسيدة المصرية الفاضلة انتبه لأنك مسئول أمام الله قبل وطنك وأولادك عن الأولاد التي ستنجبهم.. ياترى قدراتك المالية تتيح لك أن تنفق عليهم الانفاق المناسب، لو قلت لأ هقولك انت بتظلمهم وهتتحاسب، وأنا بتكلم من منظور ديني”، مُضيفا:” انت بتضيع أولادك لأنك مش قادر تنفق عليهم وتجيبهم وتقول هيجي رزقهم لا”، مُضيفا: “لا نقتل أولادنا من إملاق”.

وتابع: “تنظيم انجابنا على حسب قدرتنا أمر في منتهي الاهمية مش عشان ماتطالبش الدولة أنها ترعى أبنائك.. لان الدولة ترعى أبناءك لأن دول أولادنا كلنا بس انت شارك معايا.. احنا عاوزين نقفز”، مُضيفا: “انا اتكلمت في الموضوع على استحياء بتكلم بصوت أكبر شوية”.

واستطرد: “فيه دول في أوروبا بقالها 40 سنة لم يزد عدد سكانها عن 5 مليون وبالتالي لا يقابل التحدي بتاعنا.. احنا عندنا فرصة للشباب الموجود واحنا عاوزين فرصة نخليه فرصه”، مُضيفا: “بقولكم يامصريين.. التحديات التي تواجهنا هي مشتركة بين الدولة وشعبها وبين الحكومة وشعب مصر، لو كل واحد فينا قام بدوره فلن تشعر بعجز أو تقصير الدولة عن تلبية مطالبك”.

وتابع: “هل انهارده مصر في الخمسينيات لما كانت 20 مليون هل زي من 30 سنة أو بعد 10 سنين هنلاقي نفسنا رقم كبير جدا هيبقى عبء عليكم مش هتحسوا ومش هتشوفوا آثار الجهد الذي يبذل”، مُضيفا: “زي الراجل اللي عنده 10 أولاد بيشتغل ليل ونهار ومش مقضيهم.. طب علمهم كويس مش هرد.. طب عالجهم كويس مش هرد.. طب اكلهم كويس مش هرد.. طب لبسهم كويس مش هرد.. يبقى انت ظلمتهم اللي عنده اتنين بالكتير ثلاثة يقدر يقوم بدوره حتى في الرعاية الانسانية ينشئوا نشأه كويسة”.

واختتم: “من فضلكم التحدي السكاني عظيم ومطلوب فيه تضافر مش بس الدولة تعمل خططها ولكن الاهالي مع بعضهم البعض عبر التوعية ومنظمات المجتمع المدني ممكن نحقق فيه نتيجة جيدة مش بس على قد توفير المواد التي تستخدم في تنظيم الحمل”.

المصدر

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *